Vishal: తమిళ హీరో విశాల్‌ తెలుగు డబ్బింగ్‌ ఎలా చెబుతున్నారో చూడండి.. అలా చేస్తేనే తెలుగు వస్తుందంటా..

Vishal: తెలుగులో మంచి ఫాలోయింగ్‌ ఉన్న తమిళ హీరోల్లో యాక్షన్ హీరో విశాల్‌ ఒకరు. తనదైన సినిమాలతో తెలుగు ప్రేక్షకులను మెస్మరైజ్‌ చేస్తుంటాడీ యంగ్‌ హీరో. సమాజంలో ఉన్న సమస్యలపై సినిమాలు తీసే విశాల్‌.. తన ప్రతీ సినిమాను తెలుగులో విడుదల చేస్తుంటారు. ఈ క్రమంలో తాజాగా విశాల్‌, ఆర్య కలిసి నటిస్తోన్న చిత్రం ‘ఎనిమీ’ కూడా తెలుగులో విడుదల చేయనున్నారు. ఆనంద్‌ శంకర్‌ దర్శకత్వం వహించిన ఈ సినిమాను మినీ స్టూడియోస్‌ పతాకంపై వినోద్‌ కుమార్‌ నిర్మాతగా వ్యవహరిస్తున్నారు.

ఇదిలా ఉంటే ఇటీవలే ఈ సినిమా షూటింగ్‌ పూర్తి చేసుకుంది. అయితే తాజాగా విశాల్‌ ఈ చిత్రానికి సంబంధించి తెలుగు వెర్షన్‌కు డబ్బింగ్‌ చెబుతున్నారు. ఈ క్రమంలోనే తెలుగు డబ్బింగ్ చెబుతున్న సమయంలో తీసిన వీడియోను విశాల్‌ ట్విట్టర్‌ వేదికగా అభిమానులతో పంచుకున్నారు. ఈ వీడియోలో విశాల్‌ తెలుగులో డబ్బింగ్‌ చెప్తోన్న సమయంలో చేతులను అటూ, ఇటూ ఊపుతున్నారు.

ఇంతకీ విశాల్‌ అల చేయడానికి గల కారణమేంటో చెబుతూ.. ‘ట్రాఫిక్‌ కానిస్టేబుల్‌ లాగా ఇలా చేతులు ఊపుకుంటూ ఉంటేనే నాకు తెలుగులో డబ్బింగ్‌ వస్తుంది’ అని ఫన్నీగా వ్యాఖ్యానించారు. ఇదిలా ఉంటే ఈ సినిమాకు సంబంధించి విడుదలైన సినిమా టీజర్‌ చిత్రంపై అంచనాలు పెంచేసింది. ఈ సినిమా విశాల్‌ కెరీర్‌లో బిగ్గెస్ట్‌ విజయాల్లో ఒకటిగా నిలుస్తుందని ఆయన అభిమానులు భావిస్తున్నారు.

The secret behind my way of dubbing in telugu has been revealed.
Like a #TrafficConstable at his best. #EnemyDubbing #Enemy at final stage of Post-Production is going pic.twitter.com/mHOxByRPSS

— VishalFans360 © (@VishalFans360) September 21, 2021