UPSC Civil Services 2021: సివిల్ సర్వీసెస్ డీఏఎఫ్ అప్లికేషన్స్ ప్రారంభం.. ఎలా అప్లై చేసుకోవాలంటే..

UPSC Civil Services 2021: సివిల్ సర్వీస్ ఎగ్జామ్ దరఖాస్తు వివరాల కోసం అప్లికేషన్ ప్రక్రియను ప్రారంభించింది యూనియన్ పబ్లిక్ సర్వీస్ కమిషన్. పరీక్షకు హాజరైన అభ్యర్థులు అధికారిక వెబ్‌సైట్‌ను సందర్శించడం ద్వారా దీనిని దరఖాస్తు చేసుకోవచ్చు. ఆన్‌లైన్‌లో దరఖాస్తు చేసుకోవడానికి 1 డిసెంబర్ 2021 వరకు ఛాన్స్ ఇచ్చారు. సివిల్ సర్వీస్ మెయిన్స్ పరీక్ష (UPSC Civil Services DAF) ఫారమ్‌ను నింపడానికి UPSC ఆన్‌లైన్ అప్లికేషన్ విండో ఓపెన్ అయ్యింది. ఈ మేరకు కమిషన్‌ నోటిఫికేషన్‌ జారీ చేసింది. ప్రిలిమినరీ పరీక్షలో అర్హత సాధించిన అభ్యర్థులు UPSC అప్లికేషన్ పోర్టల్ upsconline.nic.inలో యాక్టివేట్ చేసిన ఫారమ్ DAF ద్వారా దరఖాస్తు చేసుకోవచ్చు.

ఇలా దరఖాస్తు చేసుకోండి..
అప్లై చేయడానికి ముందుగా అధికారిక వెబ్‌సైట్- upsconline.nic.inకి వెళ్లండి.
వెబ్‌సైట్ హోమ్ పేజీలో ఇవ్వబడిన కింది పరీక్షల ఎంపికలో విజయవంతమైన అభ్యర్థుల కోసం వివరణాత్మక దరఖాస్తు ఫారమ్-Iకి వెళ్లండి.

ఇప్పుడు సివిల్ సర్వీసెస్ (మెయిన్) ఎగ్జామినేషన్, 2021 లింక్‌కి వెళ్లండి.
వివరణాత్మక దరఖాస్తు ఫారమ్-I కోసం ఇక్కడ ఉన్న లింక్‌పై క్లిక్ చేయండి.
ఇప్పుడు అడిగిన వివరాలను పూరించడం ద్వారా రిజిస్ట్రేషన్ ప్రక్రియను పూర్తి చేయండి.
రిజిస్ట్రేషన్ తర్వాత మీరు దరఖాస్తు ఫారమ్‌ను నింపవచ్చు.
దరఖాస్తు ప్రక్రియ పూర్తయిన తర్వాత, ప్రింట్ అవుట్ తీసుకోండి.

దరఖాస్తు రుసుము..
సివిల్ సర్వీసెస్ మెయిన్ ఎగ్జామినేషన్ కోసం డిఎఎఫ్ నింపేటప్పుడు రూ. 200 రుసుమును కూడా చెల్లించాల్సి ఉంటుంది. దీనిని ఆన్‌లైన్ ద్వారా చెల్లించాలి. అయితే, SC, ST, మహిళలు, దివ్యాంగులు దరఖాస్తు రుసుము చెల్లించాల్సిన అవసరం లేదు. ఈ అభ్యర్థులకు పూర్తి ఫీజు మినహాయింపు ఇవ్వబడుతుంది.

పరీక్ష తేదీ..
దీనితో పాటు, UPSC సివిల్ సర్వీసెస్ మెయిన్స్ పరీక్ష 2021 ప్రారంభ తేదీని కూడా ప్రకటించింది. కమిషన్ నోటీసు ప్రకారం, CSE మెయిన్ ఎగ్జామ్ 2021 జనవరి 7, 2022 నుండి నిర్వహించబడుతుంది. అయితే, పరీక్షకు హాజరైన అభ్యర్థులకు ఈ-అడ్మిట్ కార్డుల జారీతో పాటు మెయిన్స్ పరీక్ష యొక్క వివరణాత్మక షెడ్యూల్‌ను విడుదల చేస్తామని కమిషన్ తెలిపింది.

ఈ నగరాల్లో పరీక్షలు జరుగుతాయి..
సివిల్ సర్వీసెస్ మెయిన్ పరీక్షను దేశంలోని 24 నగరాల్లో నిర్వహించనున్నారు. ఈ నగరాల్లో అహ్మదాబాద్, ఐజ్వాల్, ప్రయాగ్‌రాజ్ (అలహాబాద్), బెంగళూరు, భోపాల్, చండీగఢ్, చెన్నై, కటక్, డెహ్రాడూన్, ఢిల్లీ, డిస్‌పూర్ (గౌహతి), హైదరాబాద్, జైపూర్, జమ్ము, కోల్‌కతా, లక్నో, ముంబై, పాట్నా, రాయ్‌పూర్, రాంచీ, షిల్లాంగ్, సిమ్లా, తిరువనంతపురం, విజయవాడ ఉన్నాయి.

Also read:

Puneet Rajkumar: నాటు నాటు పాటకు పునీత్ స్టెప్పులు.. నెట్టింట్లో వైరల్‌గా ‘అప్పు’ ఫ్యాన్‌ మేడ్‌ వీడియో..

Vijayashanthi: చెల్లాచెదురైన జీవితాలు త్వరితగతిన గాడిన పడాలి.. భారీ వర్షాలపై విజయశాంతి ట్వీట్

Suryakantham: తపాలా కవరుపై గయ్యాళి అత్త ముద్ర.. వీడియో

from Telugu News, Telugu Varthalu, (వార్తలు) తెలుగు వార్తలు https://ift.tt/3CGrhh9