Drug Case: డ్రగ్స్‌ దందాలో సింగం నటుడు అరెస్టు.. భారీగా మత్తు పదార్థాల స్వాధీనం

Drug Case: తమిళ నటుడు సూర్య హీరోగా నటించిన ‘సింగం’ సినిమాలో కనిపించిన నైజీరియన్​ దేశస్థుడు, నటుడు చాక్​విమ్​మాల్విన్..​డ్రగ్స్​కేసులో కర్ణాటక పోలీసులకు దొరికిపోయాడు. బెంగళూరు కాడుగూండనహళ్లి పోలీసులు అతడిని అరెస్టు చేసి, కేసు నమోదు చేశారు. అతని వద్ద నుంచి రూ.8 లక్షల విలువ చేసే హ్యాష్​ఆయిల్ సహా ఎండీఎంఓ వంటి మత్తుపదార్థాలను పోలీసులు స్వాధీనం చేసుకున్నారు.

కాగా, పలు సినిమాల్లో.. చాక్​విమ్ కన్నడ సహా హిందీ, తమిళ భాషల్లో పలు చిత్రాల్లో నటించాడు. అన్నబాండ్​, పరమాత్మ వంటి 20 కన్నడ సినిమాల్లో, తమిళ్‌లో సింగం, విశ్వరూపం సినిమాల్లో నటించి మెప్పించాడు. ముంబయిలో యాక్టింగ్‌లో శిక్షణ మెడికల్​వీసాపై భారత్‌కు వచ్చిన చాక్​విమ్​… ముంబయిలోని న్యూయార్క్​ ఫిల్మ్​అకాడమీలో నటనలో శిక్షణ తీసుకున్నాడు. అంతకుముందు.. 2006లో అతడు ఆరు నెలలపాటు నైజీరియా రాజధాని అబుజాలోని న్యూయార్క్ ఫిల్మ్ అకాడమీలోనూ శిక్షణ పొందాడు.

రెడ్‌హ్యాండెడ్‌గా దొరికిపోయాడు..

లాక్‌డౌన్‌ సమయంలో సినిమా అవకాశాలు రాకపోగా… చాక్​విమ్​ డ్రగ్స్​అమ్మకాలు ప్రారంభించినట్లు పోలీసులు తెలిపారు. కళాశాల విద్యార్థులు, వ్యాపారులకు అతడు డ్రగ్స్​సరఫరా చేశాడని తెలిపారు. ఆఫ్రికా నుంచి అక్రమంగా తరలించిన డ్రగ్స్‌ను అతడు విక్రయించేవాడని పేర్కొన్నారు. కాడుగూండనహళ్లి పోలీస్​ స్టేషన్​ పరిధిలో మత్తుపదార్థాలను విక్రయిస్తుండగా తాము రెడ్​హ్యాండెడ్‌గా పట్టుకున్నామని పోలీసులు వెల్లడించారు. ఎవరెవరితో సంబంధం ఉంది?చాక్​విమ్​ఎన్నేళ్ల నుంచి డ్రగ్స్ విక్రయిస్తున్నాడు? అతనికి ఎవరెవరితో సంబంధాలు ఉన్నాయి? ఈ వ్యవహారంలో ఎవరైనా సినిమా ఇండస్ట్రీకి చెందిన నటీనటులు ఉన్నారా? అన్న కోణంలో పోలీసులు విచారణ చేపడుతున్నారు.

ఇవీ కూడా చదవండి:

Hero MotoCorp: భారత్‌లో భారీగా పెరిగిన హీరో మోటోకార్ప్‌ బైక్‌ల ధరలు.. కొత్త ధరల వివరాలు ఇవే..!

SBI Offers: మీరు ఎస్‌బీఐ డెబిట్‌ కార్డు వాడుతున్నారా..? అయితే మీకో శుభవార్త.. ఏంటంటే..!

from Telugu News, Telugu Varthalu, (వార్తలు) తెలుగు వార్తలు https://ift.tt/3urfxwt