Benefits of Amla: ఉసిరి వల్ల కలిగే 6 అద్భుత ఆరోగ్య ప్రయోజనాలు.. మీకోసం..

Benefits of Amla: ఉసిరి.. పోషకాల గని. దీనిని ఊరగాయలు, మార్మాలాడే, మిఠాయి, రసం, చ్యవన్‌ప్రాష్ రూపంలో వినియోగిస్తారు. ఉసరిలో యాంటీ ఆక్సిడెంట్, క్యాన్సర్ నిరోధక, శోథ నిరోధక లక్షణాలకు ఉన్నాయి. ఇది అత్యంత శక్తివంతమైన పండ్లలో ఒకటిగా పరిగణించబడుతుంది. అనేక వ్యాధులను నయం చేయడానికి ఉసిరిని వాడుతుంటారు. ఉసిరిలోనే అనేక ఆరోగ్య ప్రయోజనాలు దాగి ఉన్నాయి. ఇవాళ ఉసిరి వల్ల కలిగే 6 అద్భుతమైన ఆరోగ్య ప్రయోజనాల గురించి తెలుసుకుందాం.

రోగనిరోధక శక్తిని పెంచుతుంది..
ఉసిరిలో పాలీఫెనాల్స్, విటమిన్ సి అధికంగా ఉంటుంది. ఇది ఆరోగ్యకరమైన జీర్ణక్రియకు సహాయపడుతుంది. రోగనిరోధక శక్తిని బలోపేతం చేస్తుంది. ఇది శరీరాన్ని వైరస్‌లు, బ్యాక్టీరియా నుండి రక్షిస్తుంది. అంతేకాదు.. ఆక్సీకరణ ఒత్తిడి నుండి కూడా రక్షిస్తుంది. మెరుగైన మెటబాలిజం నిర్వహించడానికి సహాయపడుతుంది.

రక్తాన్ని శుభ్రపరుస్తుంది..
టాక్సిన్ చర్మం, జుట్టు ఆరోగ్యంపై ప్రతికూల ప్రభావాన్ని చూపుతుంది. శరీరంలో శక్తి స్థాయిని తగ్గిస్తుంది. ఉసిరిని తీసుకోవడం వల్ల శరీరంలో రక్తం, హిమోగ్లోబిన్ స్థాయి పెరుగుతుంది. శరీరంలో ఉండే చెడు పదార్థాలను బయటకు పంపిస్తుంది. ఉసిరి కాయలను తినడం వల్ల టాక్సిన్ స్థాయిలను తగ్గించవచ్చు. గుండె ఆరోగ్యంగా ఉండేందుకు ఉపకరిస్తుంది.

రక్తంలో చక్కెర స్థాయిలను నియంత్రిస్తుంది..

ఆమ్లాలో ఉండే పాలీఫెనాల్‌లు శరీరాన్ని ఆక్సీకరణ ఒత్తిడి, దీర్ఘకాలిక అనారోగ్య పరిస్థితుల నుండి రక్షిస్తుంది. ఉసిరి.. శరీరాన్ని ఇన్సులిన్ వైపు మరింత రియాక్టివ్‌గా చేస్తుంది. ఇన్సులిన్ శోషణను పెంచుతుంది. ఈ విధంగా రక్తంలో చక్కెర నియంత్రణలో ఉంటుంది. మధుమేహం లక్షణాలను తగ్గించడానికి పచ్చి ఉసిరి తినడం చాలా ప్రయోజనకరం. ఇది రక్తంలో చక్కెర స్థాయిని నియంత్రిస్తుంది.

జీర్ణక్రియను మెరుగుపరుస్తుంది..
ఉసిరిలో అధిక మొత్తంలో ఫైబర్ ఉంటుంది. ఇది మలబద్ధకం, విరేచనాలు మొదలైన జీర్ణ రుగ్మతల నుండి ఉపశమనం పొందడంలో సహాయపడుతుంది. ఇది కాకుండా, ఉసిరి తినడం వల్ల జీర్ణవ్యవస్థ ఆరోగ్యంగా ఉంటుంది. ఇది గ్యాస్ట్రిక్ రసాలను ప్రేరేపిస్తుంది. తద్వారా అసిడిటీని నివారిస్తుంది.

మానసిక ఆరోగ్యానికి మంచిది..

ఉసిరిలో ఉండే ఫైటోన్యూట్రియంట్లు మెదడు కణాలను దెబ్బతీసే ఫ్రీ రాడికల్స్‌తో పోరాడటానికి సహాయపడతాయి. అదనంగా, యాంటీఆక్సిడెంట్లు మెదడు పనితీరును మెరుగుపరుస్తాయి. ఇది జ్ఞాపకశక్తిని పదును పెడుతుంది. ఇది శరీరంలో ఒత్తిడి తగ్గించే హార్మోన్లను ఉత్పత్తి చేస్తుంది కనుక ఇది మరింత ఉపయుక్తం అని చెప్పాలి.

జుట్టు పెరుగుదలకు సహాయపడుతుంది..
ఆమ్లాలో విటమిన్ సి, టానిన్లు, అమైనో ఆమ్లాలు, అవసరమైన కొవ్వు ఆమ్లాలు జుట్టు పోషణను అందిస్తాయి. ఉసిరి నూనె జుట్టు కుదుళ్లను బలోపేతం చేస్తుంది. ఇది చుండ్రు పేరుకుపోకుండా నిరోధిస్తుంది. జుట్టు పీహెచ్ స్థాయిలను బ్యాలెన్స్ చేసి.. జుట్టు పెరుగుదలను ప్రోత్సహిస్తుంది. నెత్తిమీద ఆమ్లా నూనెను మర్దనా చేయడం వల్ల జుట్టు అకాలంగా నెరిసిపోకుండా ఉంటుంది. జుట్టు యొక్క సహజ రంగును కాపాడుతుంది.

Also read:

Rakul Preet Singh: డ్రగ్స్ కేసు విచారణలో రకుల్‌కు 7 గంటలపాటు ఈడీ సంధించిన ప్రశ్నలు.. రాబట్టిన సమాధానాలు?

Viral Pic: వాటెన్ ఐడియా సర్ జీ.. 300 సార్లు ఫెయిల్ అయ్యాడు.. చివరికి అందరి దృష్టి తనవైపు తిప్పుకున్నాడు..

Suspension: సీలింగ్ ల్యాండ్‌లో అనుమతులు.. టీఎస్ బీపాస్ నిబంధనలకు తూట్లు.. మున్సిపల్ కమీషనర్‌పై వేటు!

from Telugu News, Telugu Varthalu, (వార్తలు) తెలుగు వార్తలు https://ift.tt/3zJWGin